Albisteak

 

San Ignazio egunaren atarian gaude. Bakioko jai ofiziala ez den arren, bezperan koadrila asko elkartzen dira afaltzeko eta herria gau horretako parrandaz gozatzera datozen bisitariz betetzen da.

Bizi dugun osasun-alertaren ondorioz, Udalak ezohiko neurriak proposatu behar izan ditu kutsatze-fokuak eta birusaren hedapena saihesteko. Hori dela eta, uztailaren 21ean egindako bileran, Udalak eta Bakioko ostalaritza sektoreak erabaki zuten euren establezimenduetako barrak ixtea gau horretako 12:00etan, eta terrazak goizaldeko 01:00ean.

Beste herri eta auzo batzuetan ikusten ari garen bezala, COVID-19aren berragerpena bereziki larria izaten ari da gaueko aisialdian sortutako egoeretan; beraz, herritar guztiei eskatzen diegu denongan pentsatzeko eta gure herrian birusa kontrolpean mantentzen laguntzeko. Ez ditzagun arriskuan jar geure osasuna, ongizatea eta bizi-kalitatea, eta ez dezagun geure herriko ostalaritza jar murrizketa gehiagoren aurrean.

Eskerrik asko zuen laguntzagatik.